اسلام آباد(آئی این پی ) پاکستان میں ویکسی نیشن تین کروڑ سے تجاوز کرگئی۔ اتوار کو اسد عمر نے سماجی رابطے کی ویب سائٹ ٹوئٹر پر جاری اعداد وشمار میں بتایا کہ گذشتہ ہفتے ملک میں ویکسی نیشن تیزی سے بڑھی اور ہفتے کے چھ روز میں ریکارڈ بنے، گزشتہ چھ دن میں ریکارڈ پچاس لاکھ ویکسین لگائی گئی جبکہ گزشتہ روز نو لاکھ 34 ہزار ویکسی نیشن کا نیا ریکارڈ بنا۔ این سی او سی سربراہ نے بتایا کہ پاکستان میں پہلی ایک کروڑ ویکسی نیشن میں 113 دن لگے، ویکسی نیشن کا دوسرا کروڑ ہونے میں 28 دن لگے جبکہ تین کروڑ ویکسی نیشن ہونیمیں صرف 16 دن لگے۔