شبرغان(شِنہوا)افغانستان کے شمالی صوبہ جوزجان میں طالبان کے ٹھکانوں پر جنگی طیاروں کے حملوں کے نتیجے میں مجموعی طور پر 21 عسکریت پسندوں کے ہلاک ہونے کی تصدیق ہوئی ہے۔شمالی علاقے میں فوج کے ترجمان محمد حنیف ریضائی نے ہفتے کے روز بتایا کہ دشمن کی بے خبری میں کی جانیوالی اس کارروائی میں مرغاب ، حسن تابین ، اتما اور جوزجان کو ہمسایہ صوبہ سر پل سے جوڑنے والی سڑکوں سے ملحقہ دیہات میں طالبان کے ٹھکانوں اور کمین گاہوں کو نشانہ بنایا گیا جس میں 21 باغی ہلاک اور 10 دیگر زخمی ہوئے ہیں۔مئی کے اوائل میں افغانستان سے امریکہ کی زیرقیادت افواج کے انخلا کے آغاز کے بعد سے اپنی سرگرمیوں میں اضافہ کرنے اور مبینہ طور پر تقریبا 200 اضلاع پر قبضہ کرلینے والے طالبان عسکریت پسندوں نے ابھی تک اس خبر پر کوئی تبصرہ نہیں کیا ہے۔