شین ژن (شِنہوا)چینی ٹیلی کام کی دیو قامت کمپنی ، ہواوے کے اسمارٹ فونز کے آپریٹنگ سسٹم ہارمنی 2 کے صارفین کی تعداد 4 کروڑ سے تجاوز کر گئی ہے۔اس کمپنی نے ایک نئی پراڈکٹ لانچ کرنے کی تقریب کیموقع پر کہا کہ ہواوے نے باضابطہ طور پر 2 جون کو ہارمنی آپریٹنگ سسٹم 2 لانچ کیا۔ اس کے بعد سے فی سیکنڈ اوسطا آٹھ صارفین نے اپنے آلات کو اس آپریٹنگ سسٹم پر اپ ڈیٹ کیا ہے۔ہارمنی آپریٹنگ سسٹم یا چینی میں ہونگ مینگ ، ایک اوپن سورس آپریٹنگ سسٹم ہے جو مختلف آلات اور منظر ناموں کے لئے ڈیزائن کیا گیا ہے۔ اس کو پہلی بار اگست 2019 میں شروع کیا گیا تھا۔ہواوے کو توقع ہے کہ سال 2021کے اختتام تک ہارمنی آپریٹنگ سسٹم سے لیس آلات کی مجموعی تعداد 30 کروڑ تک پہنچ جائے گی، جس میں 20 کروڑ سے زیادہ ہواوے کے آلات ہوں گے۔