اسلام آباد(نیو زڈیسک)پاکستان ٹی وی انڈسٹری کی اُبھرتی ہوئی اداکارہ و ماڈل رحمت اجمل کے ولیمے کی تصویریں سوشل میڈیا پر وائرل ہوگئیں۔حال ہی میں رشتۂ ازدواج میں منسلک ہونے والی رحمت اجمل نے اپنے تصدیق شدہ انسٹاگرام اکاؤنٹ پر ولیمے کی تقریب کی تصویریں شیئر کی ہیں۔تصویروں میں دیکھا جاسکتا ہے کہ ولیمے کی تقریب میں رحمت اجمل نے پستہ رنگ کا خوبصورت لباس زیب تن کیا جبکہ اُن کے شوہر نے سیاہ رنگ کا پینٹ کوٹ پہنا تھا۔رحمت اجمل نے کچھ تصویریں اپنی سہیلیوں اور اہلخانہ کے ہمراہ بھی شیئر کیں۔اداکارہ کی پوسٹس پر اُن کے چاہنے والوں کی جانب سے اُنہیں شادی کی مبارکباد دینے کا سلسلہ جاری ہے۔خیال رہے کہ اس سے قبل رحمت اجمل نے اپنے انسٹاگرام اکاؤنٹ پر اپنی شادی اور مایوں کی تقریب کی تصویریں شیئر کی تھیں۔رحمت اجمل نے مایوں کی تقریب کی مناسبت سے پیلے رنگ کا خوبصورت لباس زیب تن کیا تھا جو معروف ڈیزائنر فائزہ ثقلین نے تیار کیا تھا۔واضح رہے کہ رحمت اجمل نے گزشتہ سال خاموشی سے منگنی کی تھی، مقبول ڈرامے ’میرے پاس تم ہو‘ میں ’عائشہ‘ کے کردار سے شہرت پانے والی رحمت اجمل نے ایک سادہ تقریب میں طیب سلیم کے ساتھ لاہور میں منگنی کی۔اداکارہ کی منگنی کی تقریب میں قریبی رشتہ داروں اور قریبی دوستوں نے شرکت کی تھی۔