ریاض(نیشنل ٹائمز)سعودی عرب کی معروف تعمیراتی کمپنی بن لادن کی جانب سے پاکستانی ورکرز کے واجب الادا واجبات کی رقم سفارت خانہ پاکستان کو فراہم کردی گئی، سفارت خانہ پاکستان کا کہنا ہے کہ بن لادن کے ورکرز رابطہ کرکے اپنے واجبات وصول کر سکتے ہیں. سعودی عرب کی تعمیراتی کمپنی بن لادن کی جانب سے 342 پاکستانیوں کے واجب الادا بقایاجات کی رقم دارالحکومت ریاض میں سفارت خانہ پاکستان کو فراہم کر دی گئی ہے جس کے لئے سفارت خانہ پاکستان نے ورکرز کو کہا ہے کہ وہ ایمبیسی حکام سے رابطہ کریں تاکہ ان کو واجبات کی ادائیگی ممکن بنائی جاسکے