ممبئی (نیو زڈیسک)بھارت کے نامور فوٹوگرافر نے فوٹوشیئرنگ ایپ انسٹاگرام پر ایک ویڈیو شیئر کی جس میں مشہور ٹی وی اداکار کرن ویر بوہرا نے اپنے والد کے ساتھ ایک مذاق کرنے کی کوشش کی لیکن والد نے فوراً سے اپنے بیٹے کو تھپڑ رسید کردیا۔ویڈیو میں دیکھا جاسکتا ہے کہ اداکار پہلے کیمرے کے سامنے اپنا ٹوٹا ہوا ہیڈفون دکھاتے ہوئے کہتے ہیں ’’پاپا پر الزام لگاتا ہوں کہ یہ آپ نے توڑا ہے، دیکھتے ہیں وہ کیا کہتے ہیں، بہت مزہ آنے والا ہے۔لیکن جیسے ہی وہ کیمرے کے ساتھ اپنے والد کے پاس جاتے ہیں اور ان سے کہتے ہیں، پاپا یہ آپ نے کیا کردیا۔ والد نے جواب دیا نہیں یہ میں نے نہیں توڑا جس پر کرن اپنا لہجہ تبدیل کرکے غصے والے انداز میں کہتا ہے ’’پاپا یہ مت کہیں کہ یہ آپ نے نہیں کیا، آخری بار آپ نے یہ ہیڈفون استعمال کیا تھا تو توڑا بھی آپ نے ہے جس پر والد نے اسے زور دار تھپڑ رسید کردیا۔کرن ویر بوہرا یہ کہہ کر واپس ہوجاتا ہے ’’یہ تو میں نے سوچا ہی نہیں تھا کہ ایسا بھی ہوسکتا ہے۔واضح رہے کرن ویر بوہرا درجنوں کامیاب ڈراموں میں اداکاری کے جوہر دکھاچکے ہیں جب کہ وہ فلم ’قسمت کنیکشن‘، ’ہمیں تم سے پیار کتنا‘ میں بھی مرکزی کردار ادا کرچکے ہیں۔