اسلام آباد (نیشنل ٹائمز ) چیئرمین سینیٹ محمد صادق سنجرانی کی ایران کے نو منتخب صدر سید ابراہیم رئیسی کو مبارکباد دی۔ چیئرمین سینیٹ نے کہا کہ سید ابراہیم رئیسی کی کامیابی کا سن کر خوشی ہوئی جس پر انہیں میں دلی مبارک باد دیتا ہوں۔انہوں نے کہا کہ نومنتخب ایرانی صدر، پاکستان کے دوست ہیں اور انکی قیادت میں پاکستان ایران دوستی مزید مستحکم ہو گی۔چیئرمین سینیٹ نے کہا کہ میں پاکستان کی پارلیمان، حکومت اور عوام کی جانب مبارکباد پیش کرتا ہوں اور پاکستان ایران کے ساتھ دوطرفہ تعلقات کو اہم سمجھتا ہے۔ انہوں نے کہا کہ علاقائی سلامتی اور امن کے لئے خطے کی قیادت کو ملکر کام کرنا ہوگا اور نو منتخب صدر سید ابراہیم رئیسی وسیع تجربات رکھتے ہیں۔ چیئرمین سینیٹ نے کہا کہ امید ہے علاقائی تعاون اور رابطہ کاری کے لئے نئی راہیں ہموار ہونگی اور مذہبی، سماجی اور ثقافتی مماثلتیں دونوں ملکوں کو مزید قریب لانے اہم کردار ادا کر سکتی ہیں۔