واشنگٹن(نیشنل ٹائمز)امریکی صدرجوبائیڈن اوران کے ترک ہم منصب رجب طیب اردگان نے رواں ہفتے کے اوائل میں اتفاق کیاہے کہ کابل ہوائی اڈے کی حفاظت میں ترکی مرکزی کردار ادا کرے گالیکن فریقین ایس-400فضائی دفاعی نظام کے مسئلہ پر منقسم رہے۔قومی سلامتی کے مشیر جیک سولیوان نے کہا ہے کہ بائیڈن نے عہدہ سنبھالنے کے بعد نیٹو اجلاس میں ایک جانب سوموار کے روزاردگان کے ساتھ پہلی بار آمنے سامنے ملاقات کی۔سولیوان نے صحافیوں کو فون پر تفصیلات بتاتے ہوئے کہاکہ افغانستان سے نیٹو افواج کے انخلا کے بعد ہوائی اڈے کی حفاظت کیلئے ترک مشن کی استعداد بارے دونوں رہنماں نے تفصیلی بات چیت کی۔انہوں نے مزیدکہاکہ رہنماں کی جانب سے واضح عزم کیا گیاکہ ترکی حامدکرزئی بین الاقوامی ہوائی اڈے کی حفاظت میں مرکزی کردار ادا کرے گا اور اب ہم اس پر کام کررہے ہیں کہ اسے کیسے مکمل کیاجائے۔سولیوان نے کہاکہ بائیڈن نے عزم کیا کہ ترکی کو یہ کام پورا کرنے کیلئے جس مدد کی ضرورت ہوگی وہ فراہم کی جائے گی۔سولیوان نے کہاکہ ترکی کی جانب سے روسی ایس-400فضائی دفاعی نظام حاصل کرنے میں دونوں رہنماں کے درمیان کوئی پیش رفت نہ ہوئی۔انہوں نے کہاکہ ایس-400 پردونوں نے بحث کی،اس مسئلے کا حل نہیں نکلا،ایس-400پر مذاکرات جاری رکھنے کاعزم کیا گیااوردونوں ٹیمیں ملاقات کے فیصلوں کی تقلید کریں گی۔