اسلام آباد(نیشنل ٹائمز)ایچ ای سی کی طرف سے کابینہ ڈویژن کو بھیجے گۓ سول ایوارڈز کی نامزدگی میں من پسند افراد کو نوازنے کا انکشاف۔ذراٸع سے معلوم ہوا ہے کہ ہاٸیر ایجوکیشن کمیشن پاکستان کی طرف سے تعلیمی و تحقیقی میدان میں نمایاں خدمات سر انجام دینے والے اساتذہ اور محققین کو نظر انداز کر کے من پسند افراد کے نام سول ایوارڈز کے لیے بھجوا دیۓ گۓ ہیں, جو کہ میرٹ کی کھلم کھلا خلاف ورزی اور حقدار لوگوں کی حق تلفی ہے۔ اس بات کا بھی انکشاف ہوا ہے کہ ایچ ای سی نے نہ صرف درجن سے زائد یونیورسٹیز کے واٸس چانسلرز کے نام بھی سول ایوارڈز کے لیے بھیجے بلکہ ان واٸس چانسلرز کے من پسند اور حمایت یافتہ لوگوں کے نام بھی شامل کیے ہیں۔ یہ ایک نہایت سنجیدہ اور اہم مسٸلہ ہے جس کا متعلقہ اداروں باالخصوص کابینہ ڈویژن کو اس معاملے کا فی الفور نوٹس لیکر ریکارڈ کی چھان بین کرنی چاہیے اور اگر ایسا نہ ہوا تو نہ صرف یہ میرٹ کا قتل ہو گا بلکہ سول ایوارڑز بھی اپنی حیثیت کھو دیں گے۔