لاہور (نیشنل ٹائمز ) پاکستان مسلم لیگ ن کے رہنما اور سابق وزیر ریلوے سعد رفیق نے ٹرین حادثے پر کہا کہ ریلوے لائنز کی مرمت کیلئے فنڈز نہ ہونے کے برابر ہیں ، موجودہ حکومت کی جانب سے ریلوے کے بجٹ میں 65 فیصد تک کٹ لگایا گیا ہے،مسائل تو سامنے آئیں گے ۔ پیر کو اپنے بیان میںخواجہ سعد رفیق نے کہا کہ جب ماضی میں ٹرین کی تین بوگیاں جلی تھیں تو مسافروں پر ذمہ داری عائد کر دی گئی تھی ،اس حکومت نے ریلوے کے بجٹ میں 60 سے 65 فیصد کا کٹ لگا دیا ہے ، ریلوے لائنز کی مرمت کیلئے فنڈز نہ ہونے کے برابر ہیں ، لوکو موٹو کی دیکھ بھال بھی نہ ہونے کے برابر ہے ۔سعد رفیق نے کہا کہ گھوٹکی والے علاقے میں ریلوے ٹریک کمزور ہے ، اس ٹریک کی مستقل بنیادوں پر دیکھ بھال اور مرمت کی ضرورت ہوتی ہے مگر جب حکومت ترقیاتی بجٹ اور فنڈز نہیں دے گی تو پھر ایسے واقعات تو سامنے آئیں گے ۔
ریلوے کے بجٹ میں 65 فیصد تک کٹ لگایا گیا، حادثات تو ہوں گے، خواجہ سعد رفیق
