اسلام آباد(نیشنل ٹائمز) وفاقی حکومت نے اہم دستاویزلیک اورپھیلانے میں ملوث افراد کیخلاف کارروائی کا فیصلہ کرتے ہوئے مراسلہ جاری کردیا۔تفصیل کے مطابق وفاقی حکومت نے اہم دستاویز لیک اورپھیلانے میں ملوث افراد کیخلاف کارروائی کا فیصلہ کیا ہے ۔ذرائع نے بتایا کہ کابینہ ڈویژن کی جانب سے تمام وزارتوں ڈویژنز،ذیلی اداروں کو مراسلہ جاری کردیا گیا ہے ، جس میں وزراتوں کے افسران کو کلاسیفائڈ معلومات ،اہم دستاویزکی سیکریسی یقینی بنانے کی ہدایت کی گئی ہے۔ذ رائع کا کہنا تھا کہ تمام وزارتوں ،ڈویژنز میں اہم معلومات دستاویزات کی سیکریسی یقینی بنائی جائے۔تمام وزارتیں ڈویژنز افسران، ملازمین کو دستاویزکی سیکریسی یقینی بنانے کی سخت ہدایات کرتے ہوئے کہا ہے کہ اہم سرکاری دستاویزلیک اور معلومات پھیلانے والے یکساں قصور وارتصورہوں گے۔،ذرائع کے مطابق معلومات لیک اور پھیلانے والوں کیخلاف آفیشل سیکرٹ ایکٹ 2023 کے تحت کارروائی ہوگی ، اہم معلومات لیک کرنے کی سزا 2سال قید ہے۔