ریاض(نیشنل ٹائمز)سعودی عرب میں انسانی وسائل اور سماجی ترقی کی وزارت نے بھرتی کے شعبے کے معیار کو ترقی دینے کے پروگرام کے تحت اس سال کی پہلی سہ ماہی کے دوران آجروں کی طرف سے 24خلاف ورزیوں پر سخت قانونی اقدامات کیے، ان خلاف ورزیوں میں اپنے اکائونٹ سے دوسروں کو گھریلو ملازم کی خدمات فراہم کرنا یا اجازت دینا شامل تھا۔ریکروٹمنٹ رولز کے معیارات اور تقاضوں پر مبنی کم از کم کارکردگی کے تقاضوں کو پورا نہ کرنے پر 70ریکروٹمنٹ دفاتر کے لائسنس معطل کیے گئے۔ مخصوص معیارات اور تقاضوں کے مطابق شیلٹر سینٹرز فراہم کے ضابطے پر عمل نہ کرنے اور دیگر متعدد آرٹیکلز کی خلاف ورزی پر کارروائیاں کی گئیں۔وزارت انسانی وسائل نے ایک کمپنی اور 8بھرتی دفاتر کو بھرتی کے اصولوں کی خلاف ورزی کرنے، شکایات کے حل میں تاخیر کرنے، گاہگوں کو رقوم واپس کرنے میں تاخیر اور پناہ گاہ کے معیارات اور تقاضوں کی خلاف ورزی کرنے پر معطل کر دیا۔ وزارت نے خبردار کیا کہ بھرتی کے قوانین کی پاسداری کی جائے۔ ضوابط کی خلاف ورزی پر نمبر 920002866پر اطلاع دی جاسکتی ہے۔