لاہور(نیشنل ٹائمز)فیصل موورز کمپنی کی تمام بسوں کی موٹروے پولیس کی جانب سے موٹروے پر سفر کرنے پر مکمل پابندی عائد کر دی گئی ۔موٹروے پولیس کا کہنا ہے کہ دس دن کے اندر دوسرا ایکسیڈنٹ ہواجس میں 2 مسافر جاں بحق اور 6 مسافر زخمی ہوئے ۔ عوام عزیزوں و اقارب اور دوستوں کو خبردار کریں ۔فیصل موورز کے ڈرائیور لا پرواہی کی ڈرائیونگ کرتے ہیں ۔ان کو پہلے بھی کوئی بار آگاہ کیا تھا مگر کوئی بھی عمل نہیں ہوا۔ ترجمان موٹروے نے اسلام آباد موٹروے ملتان فیصل آباد موٹروے پر مکمل پابندی عاید کر دی۔فیصل موورز کے ڈرائیوروں کی لاپروائی سے کئی حادثات رونما ہوئے ہیں۔ اگر نیشنل ہائی وے پر بھی اسے واقع رونما ہوئے تو فیصل موورز کی تمام گاڑیوں پر وہاں بھی پابندی عاید کر دی جائے گی۔