کابل (نیشنل ٹائمز)افغانستان میں طالبان کے ایک معروف تاجک رکن عبدالحمید خراسانی نے طالبان حکومت کے لیے اپنے گروپ کی خدمات ختم کرنے کا اعلان کردیا ۔ افغان خبررساںادارے کے مطابق عبدالحمید خراسانی کا منحرف ہونا طالبان کی حکومت کے لیے ایک دھچکا ہے۔عبدالحمید خراسانی نے اپنے گروپ سمیت طالبان کی صفوں میں موجود وسیع نسلی امتیاز کا حوالہ دیتے ہوئے اپنے ہتھیار سرینڈر کر دیے ہیں ۔ عبدالحمید خراسانی نے طالبان سے علیحدگی اختیار کرتے ہوئے اپنے بیان میں کہا کہ ہم مزید غلام نہیں رہ سکتے۔خبررساںادارے کے مطابق طالبان کی بدری یونٹ کے سابق کمانڈر عبدالحمید خراسانی نے اپنے ہتھیاروں کو سرنڈر کرتے وقت کو ایک پیغام میں لکھا، ہمیں پشتون عوام چور اور ٹھگ سمجھتے ہیں۔گزشتہ روز بھی اس گروپ نے ایک ویڈیو پیغام میں غیرپختون طالبان کے ساتھ مسلسل نسلی امتیاز برتے جانے پر تشویش کا اظہار کرتے ہوئے حکومت کو تنبیہ جاری کی تھی۔