راولپنڈی(نیشنل ٹائمز) اسلام آباد ہائیکورٹ کی جانب سے بشری بی بی کی اڈیالہ جیل منتقلی کے فیصلے پر عملدر آمد، اڈیالہ جیل انتظامیہ نے بانی پی ٹی آئی کی اہلیہ کو کیس سماعت کے بعد روک لیا۔اڈیالہ جیل قید رہیں گی جبکہ انکا سامان بھی سب جیل سے اڈیالہ منتقل کر دیا گیا۔تفصیلات کے مطابق بدھ کے روز بانی پی ٹی آئی اور ان کی اہلیہ کیخلاف نیب کی جانب سے قائم 190پائونڈ ریفرنس کی سماعت ہوئی کیس کی سماعت کے بعد جیل انتظامیہ نے عدالت عالیہ اسلام آباد کی جانب سے بشری بی بی کو بنی گالہ سب جیل رکھنے کا نوٹیفکیشن کالعدم قرار دے کر اڈیالہ جیل منتقل کرنے کا حکم پر عملد رآمد کرتے ہوئے انہیں اڈیالہ سے بنی گالہ جانے سے روک لیا ۔ اسلام آباد ہائی کورٹ کے فیصلہ کی روشنی میں جیل انتطامیہ نے بشری بی بی کو بنی گالہ کی بجائے اڈیالہ جیل میں ہی قید رکھنے کا فیصلہ کیا گیا ہے۔بشری بی بی کا سامان بدھ کی شام تک سب جیل بنی گالا سے اڈیالہ منتقل کر دیا گیا ہے ۔بشری بی بی کو 190ملین پاونڈ ریفرنس سماعت کے سلسلے میں بنی گالہ سے اڈیالہ لایا گیا تھا ۔