لاہور(نیشنل ٹائمز)امیر جمعیت علما ئے اسلام سٹی لاہور محمد افضل خان،جنرل سیکرٹری حافظ عرفان شجاع بٹ،سالا رمولانا محمد عمیر مہمند، ڈپٹی سیکرٹری جنرل مولانا عبد الودود شاہد،صدر لائرز فورم لاہور محمدہاشم تہامی ایڈووکیٹ،صدر لائرز فورم سٹی لاہورفیضان شجاع بٹ ایڈووکیٹ،ڈپٹی سیکرٹری اطلاعات قاری منظور الحسن چترالی نے اپنے مشترکہ بیان میں کہاہے کہ ہمار ا و ضح مو قف ہے دھاندلی سے بننے والی اسمبلیاں جعلی ہیں،جمعیت علما اسلام کی عوامی اسمبلی کے نام سے تاریخی جلسوں کی انعقاد ہماری مقبولیت کی مظہر ہے۔انہوں نے کہاکہ جمعیت علما اسلام کی پشین اور کراچی میں لاکھوں لوگوں کی عوامی اسمبلی لگانا اس بات کا مظہر ہے کہ جمعیت علما ئے اسلام ماضی سے بہت زیادہ مقبولیت اختیار کر چکی ہے۔جمعیت علما ئے اسلام ہر دور میں باطل قوتوں کے سامنے سیسہ پلائی دیوار ثابت ہوئی ہے ہم اپنے موقف پر کل بھی ڈٹے تھے آج بھی ڈٹے ہیں۔انہوں نے کہاکہ ہماری یہ تحریک مزہد وسعت پکڑیں گی اور پشاور کے عوامی اسمبلی میں قائد جمعیت آ ئندہ کے لائحہ عمل کا اعلان کریں گے۔