اسلام آباد (نیشنل ٹائمز) پاکستان پیپلز پارٹی کے رہنما حسن مرتضیٰ نے کہا ہے کہ الیکشن نتائج پرمجھے بھی تحفظات ہیں ، الیکشن پر اعتراض ہے تو قانونی راستہ اختیار کرنا ہو گا ،مذاکرات کے ذریعے معاملات کو حل کرتا ہے ، انتخابی دھاندلی سے زیادہ اہم عوامی مسائل کاحل ہے۔نجی ٹی وی سے گفتگو کرتے ہوئے کہا کہ پی ٹی آئی کے مطالبات کوغلط نہیں کہوں گا، کیا کسی کے کہنے پرمینڈیٹ مل سکتا ہے مینڈیٹ کیلئے مقرر راستہ اختیارکرناپڑے گا ، الیکشن نتائج پرمجھے بھی تحفظات ہیں، الیکشن پرتمام جماعتوں کواعتراضات ہیں، اعتراض ہے توقانونی راستہ اختیارکرناہوگا، ان کے مطالبات اورپٹیشنز میں فرق ہے ،مطالبات سے زیادہ کیسے مل سکتاہے؟سمجھ سے بالاترہے۔حسن مرتضی نے کہا کہ ہم کسی کو منہ زبانی سیٹ نہیں دی جاتی اس کے لئے ہمیں ہرصورت عدالت اورٹریبونلزمیں جاناہوگا، اداروں کوخراب ہم نے کیا ،ٹھیک بھی ہمیں ہی کرناہے۔ انہوںنے کہا کہ ہم محب وطن ہیں،چاہتے ہیں ملک آگے بڑھے ہم نہیں چاہتے کہ ملک بند گلی میں جائے،سیاسی کا کردار ہے کہ وہ راستے کھولے، مذاکرات کے ذریعے معاملات کو حل کرتا ہے ۔حسن مرتضیٰ نے کہا کہ کراچی میں بھی امن وامان کے حالات اچھے نہیں، کچے کے معاملات صرف سندھ تک محدودنہیں کچے کے علاقے پنجاب،بلوچستان اورسندھ میں ہیں، میرے حلقے سے لوگ اغوا ہوئے اور پنجاب سے ملے ہیں ، امن وامان کامسئلہ قومی مسئلہ ہے، ہم ڈھائی انچ کی مسجد سے ہی باہر نہیں نکل رہے تو ان مسئلوں کو کیسے حل کریں گے، انتخابی دھاندلی سے زیادہ اہم عوامی مسائل کاحل ہے۔