ایمسٹرڈیم (ںیشنل ٹائمز) ہالینڈ میں تفہیم اسلام کے لئے قرآن کریم کی تقسیم کی گئی ہے۔مسلم پرسپیکٹیو وقف کے شعبہ “آخر اسلام ہی کیوں” کے منتظمین اور رضاکاروں نے 15شہروں میں “دعوتِ اسلام ” نامی تقریب کا اہتمام کیا۔

تقریب میں عوام کو ڈچ ترجمے والے قرآن مجید کی جلدیں تحفتا پیش کی گئیں، اسلام کے موضوع پر کتابچوں کی تقسیم کی گئی اور اسلام کو بیان کیا گیا۔شعبہ “آخر اسلام ہی کیوں” کے سربراہ بکر ایکن جی نے روٹرڈیم میں قرآن کی تقسیم کے مقصد پر بات کرتے ہوئے کہا کہ ہالینڈ کے لوگوں میں قرآن کی تقسیم کر کے ہم انہیں اسلام سے متعارف کروانے کا وسیلہ بن رہے ہیں۔ایکن جی نے کہا ہے کہ آج ہم 5افراد کے قبولِ اسلام کا وسیلہ بنے ہیں۔ حالیہ سالوں میں اسلام کے ساتھ گہری دلچسپی محسوس کی جا رہی ہے۔