کراچی (نیشنل ٹائمز) سندھ ہائی کورٹ نے آمدن سے زائد اثاثے بنانے کے کیس میں اسپیکر سندھ اسمبلی آغا سراج درانی کی اہلیہ ناہید درانی کو بیرون ملک سفر کی اجازت دے دی۔ جمعہ کو سندھ ہائی کورٹ میں آمدن سے زائد اثاثے بنانے کے کیس کی سماعت ہوئی۔ عدالت نے ناہید درانی کو 12 جولائی تک ملک سے باہر جانے کی اجازت دی جبکہ سراج درانی کی اہلیہ کو 5لاکھ روپے کے زر ضمانت جمع کرانے کا حکم بھی دیا۔ ناہید درانی کے وکیل شہاب سرکی ایڈووکیٹ نے عدالت کو بتایا کہ سراج درانی کی اہلیہ بیٹی سے ملنے امریکا جانا چاہتی ہیں۔ واضح رہے کہ احتساب عدالت نے ناہید درانی کی بیرون ملک جانے کی درخواست مسترد کر دی تھی۔