لاہور ( نیشنل ٹائمز) پاکستان تحریک انصاف نے صوبہ پنجاب میں جلسوں کی حکمت عملی ترتیب دینے کیلئے کمیٹی بنادی۔ تفصیلات کے مطابق پی ٹی آئی پنجاب کے قائم مقام صدر اور سیکریٹری جنرل حماد اظہر نے کہا ہے کہ پنجاب میں 21 تاریخ کے بعد جلسوں کی شروعات ہو گی، اس حوالے سے صوبے کی قیادت پر مشمل ایک کمیٹی بنائی گئی ہے جو جلسوں کے حوالے سے تمام حکمت عملی کی ترتیب دے گی، کمیٹی میں ریحانہ ڈار، مہربانو قریشی، زرتاج گل، سیمابیہ طاہر، کنول شوذب، حافظ حامد رضا اور شیخ وقاص اکرم شامل ہیں۔
انہوں نے بتایا کہ مونس الہیٰ، میجر طاہر صادق، ملک عامر ڈوگر، بیرسٹر سلمان اکرم راجہ، ذلفی بخاری، زین قریشی، احمد چھٹہ، معین قریشی، ملک احمد خان بچھڑ، میاں اسلم اقبال، مہر عبدالستار، شوکت بسرا، شبیر قریشی، عون عباس بپی ، رائے حسن نواز، اعجاز منہاس، شاداب جعفری اور زبیر نیازی بھی اس کمیٹی کا حصہ ہیں۔