لاہور(نیشنل ٹائمز)پاکستان ریلوے نے مسافروں کے لئے کرایوں میں بڑی کمی کر دی، عید کے تین دن ریلوے کرایوں میں 25 فیصد کمی کا اعلان کیا گیا ہے۔

مسافر عیدالفطر کے تینوں دن اس سہولت سے مستفید ہو سکیں گے جبکہ کرایوں میں رعایت تمام مسافر ٹرینوں کی تمام کلاسز کے لیے ہوگی۔پاکستان ریلوے کے مطابق اس رعایت کا اطلاق عید سپیشل ٹرینوں پر نہیں ہوگا، عید الفطر کے تین دنوں کیلئے اعلان کی گئی یہ رعایت کرنٹ ٹکٹ پر لاگو ہوگی۔