اسلام آباد(نیشنل ٹائمز) سینیٹ میں قائد ایوان سینیٹر ڈاکٹر شہزاد وسیم نے کہا ہے کہ میڈیا پرکوئی قدغن نہیں لائی جا رہی، بغیر ثبوت کے سیکورٹی اور دیگر اداروں پرالزام لگانا ففتھ جنریشن کا حصہ ہے، عمران خان کی حکومت میں کسی سے کوئینا انصافی نہیں ہو گی۔ جمعرات کو ایوان بالا کے اجلاس میں مختلف اراکین سینیٹ کے نکتہ ہائے اعتراض کے جواب میں انہوں نے کہا کہ یہ روایت بن گئیہے کہ کسی کے ساتھ بھی کوئی معاملہ ہو تو بغیر ثبوت کے سیکورٹی اداروں پرالزام لگا دیا جاتا ہے، یہ روایت ٹھیک نہیں ہے، یہ ففتھ جنریشن وار کاحصہ ہے کہ پاکستان کے سیکورٹی اداروں، عدلیہ اور دیگر اداروں کو ہدفتنقید بنایا جائے اور انہیں کمزور کیا جائے۔ انہوں نے کہاکہ صحافی اسدطور پر حملے کی مذمت کرتے ہیں اور یقین دلاتے ہیں کہ سچ سامنے آئے گا، جولوگ اس واقعہ میں ملوث ہیں ان کے قریب پہنچ چکے ہیں، ملزمان کو کیفرکردار تک پہنچایا جائے گا۔ انہوں نے کہا کہ ملک میں قانون و انصاف کا بولبالا ہو گا اور کسی سے کوئی نا انصافی نہیں ہو گی۔