اسلام آباد(نیشنل ٹائمز)پاکستان میں ایران کے سفیر کی وفاقی وزیر صنعت و پیداوار اینڈ فوڈ سیکیورٹی رانا تنویر سے اہم ملاقات۔ فوڈ سیکیورٹی ملاقات دو طرفہ تعاون اور باہمی دلچسپی کے امور پر تبادلہ خیال ہوا۔ جبکہ ایران کی پاکستان کے ساتھ باہمی دلچسپی کے تمام شعبوں میں اپنے تعلقات کو مزید مضبوط بنانے کی خواہش کا بھی اعادہ کیا گیا۔وفاقی وزیر صنعت و پیداوار اینڈ فوڈ سیکیورٹی رانا تنویر نے کہا کہ پاکستان اور ایران دونوں برادر اور پڑوسی ملک ہیں۔اس موقع پر ایرانی سفیر ڈاکٹر رضا امیری مقدم نے کہاکہ ایران کی اعلی قیادت پاکستان کے ساتھ تمام شعبوں میں قریبی تعاون بڑھانے کی حامی ہے۔ سفیر نے مزیز کہا پاکستان سے گوشت چاول زرعی پیداوار بالخصوص ام کنو مزیز امپورٹ کرنا چاہتے ہیں کیونکہ ایرانی عوام پاکستان کے کنو کو بہت پسند کرتی ہے۔ رانا تنویر نے کہا کہ پاکستان کا باسمتی چاول دنیا بھر میں مشہور ہے۔ ایرانی سفیر نے کہا کہ ایرانی صدر کا متوقع آئندہ دور پاکستان میں دونوں ممالک کے درمیان لائیو سٹاک کورنٹاین اور پلانٹ پروٹیکشن پر ایم۔او یو پر دستخط متوقع ہیں ۔رانا تنویر نے کہا ایران اور پاکستان ایک مضبوط رشتے سے جڑے ہوے ہیں ۔دونوں ممالک صنعتی تعاون پر کام کر سکتے ہیں ۔ایرانی سفیر نے کہا کہ دونوں ممالک فرٹیلزر انڈسٹری میں تعاون کر سکتے ہیں۔ ایرانی سفیر نے شنگهائی تعاون تنظیم SCO کے آئندہ اجلاس میں شرکت کے لئے ایرانی وزیر صنعت کی جانب سے وفاقی وزیر کو دورہ تہران کی دعوت دی ہے ۔رانا تنویر نے دعوت نامہ کا خیر مقدم کیا اوروزیر اعظم کی ہدایت پر صنعت اور زرعی ترقی پر خصوصی توجہ دی جارہی ہے۔ زراعت اور صنعت کی ترقی سے معیشیت میں مزیز بہتری آئے گی معیشت کی بحالی ہماری اولین ترجیح ہے۔