کراچی (نیشنل ٹائمز) کراچی میں کینسر اور دل کے امراض کی جعلی ادویات بنانے والا سفاک گروہ پکڑا گیا۔

ایف آئی اے (وفاقی تحقیقاتی ادارے) کی ٹیم نے ڈرگ ریگولیٹری اتھارٹی کے عملے کے ہمراہ لائنز ایریا میں کارروائی کی اور مریضوں کی زندگیوں کو موت کے کنارے گھسیٹنے والے سفاک کارندوں کو پکڑ لیا۔

بتایا گیا ہے کہ ملزمان عبدالسعود فیصل اور محمد آصف اپنے گھر پر ہی جعلی ادویات کو بنا کر پیک کر رہے تھے، ان جعلی ادویات میں 82 سے زائد مختلف اقسام کی کینسر، دل کے امراض، ہائیپرٹینشن سمیت بیماریوں میں استعمال ہونے والی گولیاں اور کیپسول موجود تھے۔ ملزمان کے قبضے سے مشینری اور دیگر آلات بھی برآمد کر لئے گئے۔