اسلام آباد(نیشنل ٹائمز)وفاقی وزیر امیر مقام نے نیا پنڈورا باکس کھول دیا اور خیبر پختونخوا میں گورنرراج کا عندیہ دے دیا۔
وفاقی وزير امیر مقام نے کہا ہے کہ خیبر پختونخوا میں گورنر راج کا خطرہ ہے۔ وفاقی وزیر امیر مقام نے کہا ہے کہ وزیراعلیٰ علی امین گنڈا پور اور اسپیکر صوبائی اسمبلی اپنے حلف کی خلاف ورزی کر رہے ہیں۔امیر مقام نے کہا کہ اگر یہی سلسلہ چلتا رہا تو ملک کس طرح چلے گا؟ پھر معاملات دوسری طرف بھی جاسکتے ہیں اور خیبر پختونخوا میں گورنر راج لگ سکتا ہے۔انہوں نے کہا کہ وزیراعلیٰ خیبر پختونخوا، اسپیکر اور ڈپٹی اسپیکر خیبر پختونخوا اسمبلی الیکشن کمیشن کی بات نہ مان کر اپنے حلف کی خلاف ورزی کر رہے ہیں۔پروگرام میں موجود تحریک انصاف کے سینیٹر ہمایوں مہمند نے کہا کہ عید کے بعد حکومت کے خلاف احتجاجی تحریک چلائيں گے۔