جیکب آباد (نیشنل ٹائمز) عید الفطر قریب آتے ہی ٹرانسپورٹ مالکان نے کرایوں میں اضافہ کر دیا ، حکومتی ادارے خاموش تماشائی تفصیلات کے مطابق ابھی عیدالفطر میں ایک ہفتہرہ گیا ہے اور جیسے جیسے رمضان المبارک اپنے اختتام کی جانب گامزن ہے، کراچی سے اندرونی شہروں میں لوگ اپنوں میں عید منانے کے لیے روانہ ہونا شروع ہو رہے ہیں، اور جیکب آباد شہر سے مختلف افراد اپنے گھروں کو جا رہے ہیں، ایسے میں ذرائع کے مطابق گاڑی مالکان نے عید کے قریب آتے ہی کراچی تا جیکب آباد کرایوں میں روزانہ کی بنیاد پر 500 روپے اضافہ کرنا شروع کر دیا، جس سے دھاڑی دار اور متوسط طبقے کے ساتھ سرکاری آبائی علاقوں کو جانے والے شہری شدید پریشانی سے دوچار دکھائی دیتے ہیں، ان پردیسیوں کا کہنا ہے کہ ہر سال جب بھی عید منانے کے لیے وہ اپنے علاقوں میں جاتے ہیں تو کرایوں میں اس طرح ہوشربا اضافہ کر دیا جاتا ہے، کوئی بھی ان ٹرانسپورٹر حضرات کو پوچھنے والا نہیں ہوتا۔

دوسری جانب ٹرانسپورٹ مالکان کا کہنا ہے حکومت کی جانب سے حالیہ پیٹرول اور ڈیزل کے بڑھتے ہوئی قیمتوں کی مجبوری کے تحت کرایوں میں اضافہ کرنا پڑا ہے علاوہ ازیں پولیس بھی انہیں دنوں میں بھاری بھاری چالان کرنا شروع کر دیتی ہے، اس لیے کرائے بڑھانے کے علاوہ اور کوئی گزارا نہیں. عو؛ م کا مطالبہ ہے حکومت سندھ اس سلسلے میں سخت اقدامات کرے تاکہ غریب عوام اپنے گھروں کو پہنچ سکے۔