میرپور (نیشنل ٹائمز) آزاد‌ کشمیر کے شہر میرپور میں فلسطینیوں کے ساتھ اظہارِ یکجہتی اور اسرائیل مخالف احتجاجی مظاہرے میں کے ایف سی کی برانچ کے باہر سینکڑوں مظاہرین مشتمل ہو گئے جس کے نتیجے میں سرکاری افسر سمیت متعدد افراد زخمی ہوئے ہیں۔

تفصیلات کے مطابق غزہ میں اسرائیلی جارحیت اور غیر انسانی رویے کے خلاف کشمیر کے شہر میرپور میں احتجاجی مظاہرے میں مظاہرین کوٹلی روڈ پر موجود مشہور فاسٹ فوڈ ریسٹورنٹ چین کے ایف سی کے باہر مشتعل ہو گئے۔
مشتمل مظاہرین نے ریسٹورنٹ کی عمارت پر شدید پتھراؤ کیا ہے۔مشتمل مظاہرین عمارت کے شیشے توڑ کر اندر داخل ہو گئے۔

بعدازاں مظاہرین نے ریسٹورنٹ میں آگ بھی لگائی، پولیس کے مطابق پتھراؤ کے دوران اے ڈی سی جی یاسر محمود اور پولیس اہلکاروں سمیت مجموعی طور پر 6 افراد زخمی ہوگئے ہیں جنہیں فوری طور پر اسپتال منتقل کیا گیا ہے۔

پولیس نے مشتمل مظاہرین کو منتشر کرنے کے لیے آنسو گیس شیلنگ اور واٹر کینن کا استعمال کیا ہے۔ پولیس کے مطابق ابتدائی طور پر مشتمل مظاہرین کو منتشر کر دیا گیا ہے۔