کراچی (نیشنل ٹائمز) اداکارہ ایمن سلیم نے اپنے نئے فوٹو شوٹ سے ایک خوبصورت تصویر دلچسپ کیپشن کے ساتھ سوشل میڈیا پر شیئر کی ہے جسے خوب پسند کیا جا رہا ہے۔ حال ہی میں ایمن سلیم کی جانب سے اپنے سوشل میڈیا اکائونٹ پر ایک نئی تصویر شیئر کی گئی ہے جس میں وہ ایک صوفہ پر فوٹو شوٹ کے لیے تیار بیٹھی ہیں، ایمن سلیم کی ٹیم اْن کے کپڑے صحیح کر رہی ہے اور اْن کے بالوں کو سنوارنے میں مصروف ہے جبکہ وہ خود پیزا کھا رہی ہیں۔ایمن سلیم کا اپنی اس پوسٹ کے کیپشن میں کہنا ہے کہ آ کل انہیں کسی بھی چیز کے لیے وقت نہیں مل رہا ہے مگر کام کے دوران وہ پیزا کھانے کے لیے وقت نکال ہی لیتی ہیں۔ اس تصویر پر حرا مانی نے ایمن سلیم کی پوسٹ کے کیپشن میں کہا کہ انہیں ایمن سلیم پر فخر ہے۔