کراچی (نیشنل ٹائمز) معروف اداکار و ماڈل عمران عباس نے انکشاف کیا ہے کہ انہیں بھارتی فلم عاشقی2 میں مر کزی کردار کی پیشکش ہوئی تھی مگر یہ فلم وہ اکشے کمار کو زبان دینے کے سبب نہیں کرسکے۔ عمران عباس نے حال ہی میں ایک ٹاک شو میں بطور مہمان شرکت کی ۔ اس دوران عمران عباس نے جہاں متعدد سوالات کے جوابات دیئے وہیں یہ انکشاف بھی کیا کہ انہیں بھارتی بلاک بسٹر فلم ’ عاشقی 2 ‘ کی آفر ہوئی تھی مگر وہ اس سے قبل ہی بھارتی ہیرو اکشے کمار کے ساتھ ایک فلم سے متعلق ڈیل کر چکے تھے۔عمران عباس نے بتایا کہ اکشے کمار کے ساتھ اْن کی ڈیل صرف زبانی ہی تھی مگر وہ ذبان کے پکے ہونے کے سبب انہوں نے اکشے کمار کے ساتھ فلم کا معاہدہ قائم رکھا اور عاشقی 2 کی پیشکش قبول نہیں کی، حالانکہ انہیں فلم کے ڈائریکٹر اور پروڈیوسر کی جانب سے بار بار آفر سے متعلق سوچنے کے بارے میں بھی کہا گیا تھا۔عمران عباس کا شو کے دوران کہنا تھا کہ وہ ذبان کے بہت پکے انسان ہیں اور وہ سمجھتے ہیں کہ ایک بار جو ذبان کسی کو دے دی جائے تو پھر معاہدے سے پیچھے نہیں ہٹنا چاہیے۔