اسلام آباد(نیشنل ٹائمز)پاکستان پیپلز پارٹی مرکزی سیکرٹری اطلاعات و سابق ڈپٹی اسپیکر قومی اسمبلی فیصل کریم کنڈی کا پٹرول کی قیمتوں میں ممکنہ اضافہ پر اہم بیان آگیا۔ان کا کہنا تھا کہ تیل کی قیمتوں میں اضافہ وزیراعظم اور اوگرہ کی ملی بھگت ہے۔ملک چلانا اس نااہل اور نالائق ٹولے کے بس کی بات نہیں۔گزشتہ دو ماہ میں تیل کی قیمتوں میں 16 روپے اضافہ کیا گیا ہے۔وزیراعظم کو غلط معاشی اشاریے بتائے جاتے ہیں۔پیٹرول کی قیمتوں متعلق وزیر اعظم کے ماضی کے بیانات موجود ہیں۔ اب حکومت بتائے پیٹرول کی مد میں پیسے کیا وزیراعظم کے جیب میں جا رہے؟ اوگرہ حکومت کی ایما پر ہی اضافے کی سمری بھیجتا ہے۔ پہلے کہتے تھے تیل کی قیمتوں میں اضافے کا مطلب ملک کا وزیراعظم چور ہے۔ اب ایک سال میں تیل کی قیمتوں میں 6 بار اضافہ کیا گیا ہے۔پیپلز پارٹی کے دور میں عالمی منڈی میں تیل کی قیمت 120 ڈالر تھی۔ پیپلز پارٹی کے دور میں ملک میں تیل کی قیمت 63 روپے لیٹر تھی۔آج عالمی منڈی میں تیل کی قیمتیں 60 ڈالر فی بیرل ہے۔ لیکن تباہی سرکار ہر پاکستانی کو پیٹرول 112 روپے فی لیٹر بیچ رہی۔آئی ایم ایف کے ساتھ مل کر ہر روز ایک منی بجٹ پیش کیا جاتا ہے۔