اسلام آباد(نیشنل ٹائمز) سیکریٹری اطلاعات پیپلز پارٹی فیصل کریم کنڈی کا رد عمل آگیا۔انہوں نے کہا کہ سلیکٹڈ وزیراعظم نے آج فرمائشی ٹیلیفونک ڈرامہ کیا ۔ انہوں نے تنقید کی کہ وزیراعظم کے فرمائشی پروگرام میں مہنگائی کے ستائے ہوئے عوام کی کوئی کال نہیں ہوتی ۔ بینظیر انکم سپورٹ پروگرام سے رقم چوری کرنے کو احساس پروگرام کا نام دیا گیا۔ پاکستان بیت المال سے غریبوں کے علاج کے پیسے چوری کرنے کے عمل کو ہیلتھ کارڈ کا نام دیا گیا۔انہوں نے سوال کیا کہ نیازی صاحب قوم کو بتائیں ہیلتھ کارڈ سے کتنے غریبوں کا علاج ہوا ہے۔نام نہاد ٹیلیفونک ڈرامے میں رٹے رٹائے الفاظ دہرائے گئے۔