اسلام آباد (نیشنل ٹائمز)وزیراعظم عمران خان نے بیرون ملک مقیم پاکستانی کی سٹیزن پورٹل پر شکایات کا نوٹس لیتے ہوئے اسلام آباد لینڈ ریونیوکے افسران کے خلاف کارروائی کا آغاز کردیا ہے،اسلام آبادسرکل رجسٹرارآفس کے خلاف انکوائری کرتے ہوئے ڈپٹی رجسٹرارکوآپریٹوسوسائٹیزاسلام آبادکو فوری عہدے سے ہٹادیاگیا جبکہ چیف کمشنر نے وزارت داخلہ سے سرکلرجسٹرارکو معطل کرنے کی سفارش کی ہے،انسپکٹرکوآپریٹیوسوسائٹی کوعہدے سے برطرف کرتے ہوئے متعلقہ ہائوسنگ سوسائٹی کو شوکازجاری کردیا ہے اور بینک اکانٹس منجمد کر دیے گئے ہیں جبکہ سرکل رجسٹرار آفس کے متعلقہ کلرک کوبھی عہدے سے ہٹا دیا گیا،وزیراعظم آفس کا کہنا ہے کہ بیرون ملک مقیم پاکستانی نے پلاٹ منتقلی سے متعلق شکایات کی تھی، سرکل رجسٹرارآفس نے شکایت پر اس کی داررسی نہیں کی،وزیراعظم آفس کے مطابق وزیراعظم ڈلیوری یونٹ کی ہدایت پرچیف کمشنرنے شکایات پر انکوائری کی،چیف کمشنرآفس نے متعلقہ افسران کی معطلی اور برطرفی کے نوٹیفکیشن جاری کردیا ہے۔