اسلام آباد(نیشنل ٹائمز)این سی او سی نے اپنے ٹویٹ میں کہا ہے کہ گذشتہ 24 گھنٹوں کے دوران ملک بھر میں 2 لاکھ 84 ہزار 975 کووڈ ویکسینز لگائی گئی جبکہ اب تک زیر انتظام کل ویکسین 67 لاکھ 9 ہزار 848 تھی۔چیئرمین این سی او وفاقی وزیر برائے منصوبہ بندی ، ترقیات اور خصوصی اقدامات اسد عمر نے بھی اپنے ٹویٹر پر این سی او سی اجلاس کے فیصلے کا اعلان کرتے کہا کہ” این سی او سی کے اجلاس میں فیصلہ کیا گیا کہ کل یعنی (29 مئی) سے 30 سال سے زیادہ عمر کے افراد کی ویکسینیشن کا آغاز کیا جائے گا۔انہوں نے عوام سے اپیل کی کہ 30 یا اس سے زیادہ عمر کے افراد نے اگر رجسٹریشن کی ہے تو براہ کرم کسی بھی ویکسینیشن سینٹر میں جاکر کورونا ویکسینیشن کروائیں۔