لاہور(نیشنل ٹائمز ) امیر جماعت اسلامی لاہور میا ں ذکر اللہ مجاہد نے کہا ہے کہ امیر جماعت اسلامی پاکستان سراج لحق کی اپیل پر کل 28 مئی جمعتہ المبارک کو شہر بھر کی مساجد میں مظلوم فلسطینیوں بھائیو ں کے ساتھ اظہار یکجہتی کیلئے خطبات دیئے جائیں گے، قرار دادیں منظور کی جائیں گی اورمظلوم فلسطینیوں کی امداد کیلئے فنڈ ریزنگ کیساتھ ہیڈبل تقسیم کیے جائیں گے۔میاں ذکر اللہ مجاہد نے کارکنان و ذمہ داران جماعت سے اپیل کرتے ہوئے کہا کہ وہ کل جمعتہ المبارک میں قبلہ اول کی آزادی اور مظلوم فلسطینیوں مددکیلئے نماز جمعہ کے بعد اپنے علاقوں میں مساجد کے باہر فنڈ ریزنگ اور ہیڈبل تقسیم پروگرامز کے انعقاد کو یقینی بنائیں۔ امیر لاہور نے کہا کہ قبلہ اول کی آزادی کیلئے علماء مشائخ ممبر و محرب کے ذریعے اپنا قلیدی کردار ادا کریں اور قوم میں اس دینی فریضہ کی ادائیگی کیلئے شعور اجاگر کریں کہ مشکل کی اس گھڑی میں مظلوم فلسطینیوں کی اخلاقی اور مالی مدد کے کیلئے بڑھ چڑھ کر حصہ لیا جائے اور ان کو بتایا جائے کہ پوری پاکستانی قوم اسرائیلی کی جارحیت اور بربریت کے خلاف ان کے شانہ بشابہ کھڑی ہے اور قبلہ اول کی آزادی کے اس عظیم جدوجہد میں ان کے ساتھ ہے۔