لاہور(نیشنل ٹائمز) معاون خصوصی اطلاعات پنجاب فردوس عاشق اعوان نے کہا ہے کہ معیشت کی بہتری، صحت و تعلیم اور دیگر عوامی سہولیات کی بروقت فراہمی کیلئے انقلابی اقدامات کئے جا رہے ہیں۔ سماجی رابطے کی ویب سائٹ پر ٹوئٹر پر اپنے بیان میں ڈاکٹر فردوس عاشق اعوان نے کہا کہ غربا کیلئے سستے گھر، پناہ گاہیں اور احساس پروگرام شروع کیا گیا، عالمی وبا کے باوجود ایکسپورٹس میں تاریخی اضافہ ہوا، وزیر اعظم عمران خان کی قیادت میں ہر محاذ پر بہترین سفارتکاتی کی گئی، کرنٹ اکانٹ منفی سے مثبت اور بدحال ٹیکسٹائل انڈسٹری کی بحالی ممکن ہوئی۔ فردوس عاشق اعوان کا کہنا تھا کہ نئے ڈیمز کی تعمیر اور نہری نظام کی بہتری پر کام جاری ہے، کسان کارڈ، صحت کارڈ، میڈیسن کارڈ کا اجرا کیا گیا، کفایت شعاری مہم کے تحت حکومتی اخراجات میں ریکارڈ کمی کی گئی۔
معیشت کی بہتری، صحت و تعلیم کی فراہمی کیلئے انقلابی اقدامات کئے جا رہے ہیں، فردوس عاشق اعوان
