اسلام آباد(نیشنل ٹائمز) وفاقی وزیر اطلاعات چوہدری فواد حسین نے کہا ہے کہ اسلام آباد ہائی کورٹ میں آج نواز شریف اور مریم نواز کی پانامہ پیپرز کے ذریعے لندن میں منظر عام پر آنے والی اربوں روپے کی جائیدادوں کے مقدمہ پر اپیل کی سماعت ہو رہی ہے، احتساب عدالت اس مقدمہ میں نواز شریف کو 11 سال اور مریم نواز کو 8 سال قید کی سزا سنا چکی ہے، شریف فیملی ایسے تاثر دیتی ہے کہ انہیں کسی مقدمہ میں سزا ہوئی ہی نہیں۔ منگل کو اپنے ایک ٹویٹ میں انہوں نے کہا کہ ان مقدمات میں سیدھی بات یہ ہے کہ انہوں نے لندن میں اربوں روپے کی جائیدادیں بنائیں، ان کے ظاہر اثاثے اس قسم کی جائیداد خریدنے کے متحمل نہیں تھے تو یہ جائیداد کیسے خریدی؟