اسلام آباد(نیشنل ٹائمز) وفاقی وزیر منصوبہ بندی ترقی ، اصلاحات و خصوصی اقدامات اسد عمر نے صوبہ سندھ کے ضلع خیر پور کی تحصیل سوبھو دیرو میں نادرا سینٹر کا افتتاح کیا۔ نادرا دفتر ون۔ونڈو، کیو میٹک سسٹم اور جدید سہولیات سے آراستہ ہے۔ سوبھودیرو نادرا سینٹر پر روزانہ 100 سے 125 ٹوکن پراسس ہوسکیں گے۔عوام کی سہولت اور شناختی دستاویزات کےحصول کو آسان بنانے کے لیئے نادرا کا احسن اقدام ہے۔تحصیل سوبھو دیرو میں جدید سہولیات سے مزین نادرا آفس 05 ون ونڈو کاو ¿نٹر پر مشتمل ہے جس میں پینے کا صاف پانی اور ایئر کنڈیشنڈ کی سہولیات فراہم کی گئی ہیں۔ نئے آفس میں عوام کی سہولت کو مدنظر رکھتے ہوئے ون ونڈو اور کیو میٹک سسٹم کا اجرا کیا گیاہے تاکہ عوام کو شناختی دستاویزات کی بروَقت اور آسان فراہمی کو یقینی بنایا جا سکے۔ اس موقع پر ڈی جی نادرا سکھر میجر عمران علی کھرل نے امید ظاہر کی کہ یہ دفتر سوبھو دیرو کی ترقی میں اہم سنگِ میل ثابت ہوگا۔ انھوں نے سوبھو دیرو دفتر میں تعینات نادرا سٹاف کو عوامی خدمت کیلئے مزید مستعدی اور ذمہ داری سے کام کرنے پر زور دیا۔