اسلام آباد (نیشنل ٹائمز) وزیر خارجہ مخدوم شاہ محمود قریشی کی فلسطین کے حوالے سے منعقدہ اقوام متحدہ جنرل اسمبلی کے ہنگامی اجلاس میں شرکت کیلئے تشریف لانے والے وزرائے خارجہ کو عشائیے کی دعوت ۔عشائیہ کا اہتمام نیویارک میں واقع پاکستانی سفارتخانے میں کیا جا رہا ہے ۔عشائیے کے دوران وزیر خارجہ مخدوم شاہ محمود قریشی دیگر وزرائے خارجہ کے ساتھ ملاقات کریں گے اور انہیں فلسطین کے حوالے سے پاکستانی موقف سے آگاہ کریں گے۔وزیر خارجہ نے کہا کہ جنرل اسمبلی کے ہنگامی اجلاس میں، مشترکہ لائحہ عمل کیلئے دیگر ممالک کے وزرائے خارجہ کے ساتھ مشاورت کریں گے۔ رائے عامہ کو تحریک دینے، عالمی برادری کی توجہ فلسطین کی مخدوش صورت حال کی جانب مبذول کروانے اور مسلم امہ کی یکساں آواز کو اقوام متحدہ میں اٹھانے کیلئے تمام سفارتی کاوشیں بروئے کار لا رہے ہیں۔واضح رہے کہ فلسطین کے حوالے سے اقوام متحدہ جنرل اسمبلی کا ہنگامی اجلاس کل مورخہ 20 مئی کو منعقد ہو گا۔