اسلام آباد (نیشنل ٹائمز) وزیرِ اعظم عمران خان نے غزہ و فلسطین کے عوام کیساتھ یکجہتی کا اظہار کرتے ہوئے  کہا ہے کہ وہ ‏غزہ و فلسطین کے ساتھ کھڑے ہیں۔ بدھ کو ٹویٹر پر  وزیر اعظم عمران خان نے فلسطین و غزہ کے عوام کیساتھ یکجہتی اور وابستگی کا اظہار کرتے ہوئے ایک مضبوط پیغام دیا، عمران خان نے لکھا کہ ‏”میں وزیراعظم پاکستان ہوں اور ہم غزہ و فلسطین کے ساتھ کھڑے ہیں” انہوں نے اپنے ٹویٹ کے ساتھ معروف مفکر اور دانشور نوم چومسکی کا قول بھی شئیر کیا جس میں انہوں نے آزاد فلسطین کی حمایت میں لکھا کہ ” تم میرا پانی لیتے ہو، میرے زیتون کے درختوں کو جلاتے ہو، میرا گھر تباہ کرتے ہو، مجھ سے میرا روزگار چھینتے ہو، تم نے میری سرزمین مجھ سے چھین لی، میرے والد کو قید میں ڈال دیا، میری ماں کو مار دیا اور میرے ملک پر بمباری کی، ہم سب کو بھوکا مار دو، ہمیں ذلت سے دوچار کرو لیکن اب کے باوجود الزام تو مجھ پر ہی لگے گا کہ  میں نے ایک راکٹ فائر کیا ہے۔

I am PM of Pakistan and #WeStandWithGaza #WeStandWithPalestine pic.twitter.com/0Gpb9DxjJG

— Imran Khan (@ImranKhanPTI) May 12, 2021