اسلام آباد (نیشنل ٹائمز)پاکستان میں تعینات، ہنگری کے سفیر بیلا فزیکاس کی وزارتِ خارجہ میں وزیر خارجہ مخدوم شاہ محمود قریشی سے ملاقات۔ووران ملاقات دو طرفہ تعلقات ،مختلف شعبہ جات میں دو طرفہ تعاون سمیت باہمی دلچسپی کے امور پر تبادلہ خیال کیا گیا۔اس موقع پر ہنگری کے وزیر خارجہ کے متوقع دورہ ء پاکستان کے انتظامات کے حوالے سے بھی تبادلہ ء خیال ہو۔وزیر خارجہ کا کہنا تھا کہ پاکستان ،ھنگری کے ساتھ اپنے دو طرفہ تعلقات کو خصوصی اہمیت دیتا ہے ۔کورونا وبائی چیلنج کے باوجود دونوں ممالک کے درمیان بڑھتی ہوئی دو طرفہ تجارت، سرمایہ کاری اور اقتصادی تعاون خوش آئند ہے۔پاکستان اور ھنگری کے مابین آرٹ اور کلچر کے شعبہ میں دو طرفہ تعاون کے فروغ کے حوالے سے بھی بات چیت ہوئی ۔ہنگری کے سفیر بیلا فزیکاس نے وزیر خارجہ کا شکریہ ادا کرتے ہوئے پاکستان اور ہنگری کے مابین دو طرفہ تجارتی و اقتصادی تعلقات کے فروغ کے لئے اپنے ہر ممکن تعاون کا یقین دلایا۔