اسلام آباد (نیشنل ٹائمز) الیکشن کمیشن نے 15سیاسی جماعتوں کو پارٹی اکائونٹس سے متعلق جواب جمع کرانے کا آخری موقع دیتے ہوئے کیس کی سماعت 26 مئی تک ملتوی کر دی۔منگل کو الیکشن کمیشن میں 19 سیاسی جماعتوں کے اکائونٹس کی چھان بین سے متعلق پاکستان تحریک انصاف کی درخواست پر چیف الیکشن کمشنر سکندر سلطان راجہ کی سربراہی میں تین رکنی بینچ نے سماعت کی، چیف الیکشن کمشنر کے استفسار پر الیکشن کمیشن حکام نے بتایا کہ چار سیاسی جماعتوں کی جانب سے پارٹی اکائونٹس پر جواب جمع کرایا گیا ہے،15 سیاسی جماعتوں کی جانب سے ابھی تک جواب جمع نہیں کرایا گیا، الیکشن کمیشن نیسیاسی جماعتوں کو پارٹی اکائونٹس سے متعلق جواب جمع کرانے کا آخری موقع دیتے ہوئے کیس کی سماعت 26 مئی تک ملتوی کر دی۔
الیکشن کمیشن کا 15سیاسی جماعتوں کو پارٹی اکائونٹس سے متعلق جواب جمع کرانے کا آخری موقع، سماعت 26 مئی تک ملتوی
