اسلام آباد (نیشنل ٹائمز) الیکشن کمیشن میں ویڈیو سکینڈل معاملے پر سینیٹر یوسف رضا گیلانی کی نااہلی سے متعلق کیس کی سماعت 24 مئی تک ملتوی کردی گئی۔ منگل کے روز چیف الیکشن کمشنر کی سربراہی میں 3 رکنی بینچ نے ویڈیوسکینڈل معاملے پر سینیٹر یوسف رضا گیلانی کی نااہلی سے متعلق کیس کی سماعت کی، ویڈیو میں موجود ایم این ایز فہیم خان اور جمیل احمد کی جانب سے وکیل الیکشن کمیشن میں پیش ہوئے۔چیف الیکشن کمشنر نے استفسار کیاکہ کیا ایم پی ایز کی طرف سے کوئی آیا ہے؟سماعت کے دوران ایم این اے جمیل احمد خان کے وکیل نے الیکشن کمیشن سے بحث کے لیے وقت مانگنے کی استدعا کی جسے الیکشن کمیشن نے منظورکرتے ہوئے مزید سماعت 24 مئی تک ملتوی کردی۔