اسلام آباد(نیشنل ٹائمز)پیپلزپارٹی کی رہنما شازیہ مری کا کہنا ہے کہ پاکستان میں کورونا کیسیز کی شرح میں اضافہ تشویشناک ہے۔ وفاقی حکومت کووڈ کے حوالے سے بروقت موثر اقدامات لینے میں ناکام رہی۔عمران نیازی کو کورونا معمولی زکام لگتا رہا۔ کووڈ ایک حقیقت ہے جس میں شدت سے اضافہ ہو رہا ہے۔ ہم شروع سے لاک ڈاؤن کی بات کر رہے تھے لیکن عمران نیازی تنقید کرتے رہے۔ عمران نیازی کی کورونا سے نمٹنے کی “گھبرانا نہیں” پالیسی نے ملک کو خطرے میں ڈال دیا ہے۔ حکومت کی جانب سے دواؤں کی قیمتوں میں اضافہ عوام دشمنی کے مترادف ہے۔ وفاقی حکومت نے نہ لاک ڈاؤن کو ضروری سمجھا اور نہ ہی کووڈ ویکسین کی خریداری کو۔ لوگ ویکسین کے لئے خوار ہو رہے ہیں اور وزراء اپنی نوکری پکی کرنے کے لیئے عمران نیازی کی جھوٹی تعریفیں کر رہے ہیں۔