اسلام آباد (نیشنل ٹائمز) وفاقی حکومت نے خیبر پختونخوا کی درخواست پر تحریک لبیک پاکستان (ٹی ایل پی) کے جلوس کی سکیورٹی کیلئے فرنٹیر کورتعینات کرنے کا فیصلہ کیا ہے،صوبائی حکومت نے خط کے ذریعے سکیورٹی کی درخواست کی تھی۔

دنیانیوز کے مطابق صوبائی حکومت نے 16 اکتوبر کیلئے حویلیاں اور ایبٹ آباد کیلئے فوج اور ایف سی کی تعیناتی کیلئے درخواست کی تھی، فرنٹیر کور کی تعیناتی 16 اکتوبر کیلئے ہری پور، حویلیاں اور ایبٹ آباد میں بطورکوئیک ریسپانس فورس کی گئی ہے۔

صوبائی حکومت نے خط میں کہا تھا کہ ٹی ایل پی کا جلوس16اکتوبر کو ہری پور سے ایبٹ آباد تک ہوگا جس کی قیادت ٹی ایل پی کے امیر سعد رضوی کریں گے۔