منچن آباد(نیشنل ٹائمز)سپیشل برانچ کی نشاندہی پر گندم کی بڑی کھیپ پکڑی گئی ۔ہزاروں من گندم برآمد کر لی گئی۔

پاسکو حکام کے مطابق میکلوڈگنج کے علاقہ میں مختلف گوداموں میں 54800 تھیلے گندم ذخیرہ کیے گئے تھے۔13 گوداموں میں رکھے گئےتھیلوں میں 68500 من گندم موجودتھی ۔

ذخیرہ کی گئی گندم کی قیمت ایک ارب 23 کروڑ 30 لاکھ روپے بنتی ہے۔ پکڑی جانیوالی گندم مبینہ طور پر سمگل کے لئے ذخیرہ کی گئی ۔

محمد اکرم ، حافظ محمد خان ، یسین ، منظور احمد کے گوداموں میں گندم سٹاک کی گئی۔ محمد خالد، محمد امجد، غلام عباس، محمد مختیار آڑھتیان بھی ذخیرہ اندوزی شامل ہیں۔

محمد وقاص، ظہور احمد، مقبول جنجھ آڑھتیان کے گوداموں پر بھی ریڈ ہوئے۔12 گودام سیل کرکے گندم گورنمنٹ تحویل میں دے دی گئی۔گودام مالکان کیخلاف تھانہ میکلوڈ گنج میں مقدمہ درج کرلیا گیا ہے۔