اسلام آباد (نیشنل ٹائمز)امریکا یوکرین کو 625 ملین ڈالر کی مزید سکیورٹی امداد دے گا۔ غیر ملکی میڈیا رپورٹس کے مطابق سکیورٹی امداد کا اعلان امریکی صدر بائیڈن نے یوکرین کے صدر زیلینسکی سے ٹیلیفونک رابطے میں کیا۔امریکی صدر نے کہا کہ امریکا یوکرین کو جدید میزائل سسٹم بھی فراہم کرے گا ، امریکا یوکرینی علاقوں کو روس میں ضم کرنے کو کبھی تسلیم نہیں کرے گا ،ہم روس کی جارحیت کے خلاف یوکرین کی مدد جاری رکھیں گے۔واضح رہے کہ روس کی پارلیمنٹ نے پیر کو یوکرین کے 4 علاقوں کو روس میں ضم کرنےکی منظوری دے دی۔جمعےکو روسی صدر پیوٹن نے یوکرینی علاقوں کو روس میں ضم کرنےکی دستاویزات پر دستخط کیے تھے۔روسی پارلیمنٹ نے یوکرین کے4 علاقوں کو روس میں ضم کرنےکی منظوری دے دیتاہم پیر کو روسی پارلیمان کے ایوان زیریں میں یوکرینی علاقوں کو روس میں ضم کرنےکے قانون کی منظوری دی گئی۔ یوکرین کے علاقوں خیرسون، ڈونیٹسک، لوہانسک اور زاپور زیا میں منعقدکیےگئے ریفرنڈم کے بعد روس میں ضم کیا گیا ہے، یہ علاقے روس نے حالیہ جنگ میں حاصل کیے ہیں۔