اسلام آباد(نیشنل ٹائمز)روسی دارالحکومت ماسکو کے مشرقی ریجن ریازان میں جنگلات کی آگ بے قابو ہوگئی، 20 ہزار ایکڑ تک آگ پھیلنے کے بعد ریجن میں ہنگامی صورتحال نافذ کردی گئی ہے۔خبر ایجنسی کے مطابق انتظامیہ کی جانب سے ماسکو کے شہریوں کو ماسک پہننے کی تاکید کی گئی ہے تاکہ جنگل کی آگ سے پیدا ہونے والی اسموگ اور جلتی ہوئی بو سے خود کو محفوظ رکھا جاسکے۔انتظامیہ کا کہنا ہے کہ آگ سے پیدا ہونے والی اسموگ کے اثرات کو بے اثر کرنے کے لیے عوام بیرونی سرگرمیوں کو محدود کریں اور زیادہ سے زیادہ پانی کا استعمال کریں۔خبر ایجنسی کا کہنا ہے کہ آگ کے سبب پیدا ہونے والے دھوئیں سے حد نگاہ بھی متاثر ہے۔