کراچی(نیشنل ٹائمز): سابق گورنر سندھ اور پی ٹی آئی رہنما عمران اسماعیل نے شہر میں جاری بدترین لوڈشیڈنگ اور اووربلنگ کی مذمت کی ہے۔ٹوئٹر پر جاری بیان میں عمران اسماعیل نے کہا کہ کے الیکٹرک سفید ہاتھی بن چکا ہے، کراچی کی اضافی بجلی بند کرکے رائیونڈ محل اور بلاول ہاؤس آباد کیا گیا ہے۔انہوں نے کہا کہ کراچی کے حقوق کی بات کرنے والے ایک وزارت پر کراچی سے لاتعلقی کرگئے ہیں۔سابق گورنر نے مطالبہ کیا کہ کے الیکٹرک فوری اپنا قبلہ درست کرے۔