اسلام آباد (نیشنل ٹائمز)رہنما مسلم لیگ ق مونس الہٰی کی سینیئر صحافی انصار عباسی سے گفتگو سامنے آئی ہے۔مونس الہٰی نے بتایا کہ چوہدری شجاعت نے خط لکھا ہےکہ کسی کو ووٹ نہیں دینا، آصف زرداری نے چوہدری شجاعت کو یقین دلایا ہےکہ وہ پرویز الہٰی کو وزیراعلیٰ بنوا دیں گے۔مونس الہٰی نے مزید بتایا کہ آصف زرداری نے چوہدری شجاعت کو کہا کہ پرویز الہٰی ن لیگ اور اتحادیوں کے امیدوار ہوں گے۔مونس الہٰی نے کہا کہ ہم نے وزیراعلٰی بننا ہے اور صرف عمران خان کا بننا ہے، ہم نے ن لیگ یا ان کے اتحادیوں کا وزیراعلیٰ نہیں بننا۔چوہدری شجاعت نے پرویزالٰہی کی حمایت سے انکار کردیا، مونس کی تصدیقخیال رہے کہ اس سے قبل سابق وفاقی وزیر و مسلم لیگ (ق) کے رہنما مونس الٰہی نے تصدیق کی تھی کہ چوہدری شجاعت نے کہا کہ عمران خان کے امیدوار کی حمایت نہیں کروں گا۔وزیراعلیٰ کے انتخاب کے موقع پر پنجاب اسمبلی میں چوہدری شجاعت کے خط کی بازگشت سنائی دی جس کے بعد مونس الٰہی پنجاب اسمبلی سے چلے گئے تھے۔حامد میر سے ٹیلی فونک گفتگو میں مونس الٰہی کا کہنا تھاکہ میں ماموں (چوہدری شجاعت) کے پاس گیا تھا اور انہوں نے ویڈیوپیغام ریکارڈ کرنے سے انکارکیا اور کہا کہ عمران خان کےامیدوارکی حمایت نہیں کروں گا۔مونس الٰہی کا کہنا تھاکہ میں بھی ہار گیا ہوں، عمران بھی ہار گئے اور زرداری جیت گئے۔ان کا کہنا تھاکہ چوہدری شجاعت نے خط میں لکھا تھا کہ کسی کو ووٹ نہیں دینا۔