اسلام آباد (نیشنل ٹائمز) روسی خبر ایجنسی کا کہنا ہے کہ یوکرین میں پکڑے گئے دو امریکی شہری یوکرین کے ریجن ڈونیسک میں ہیں۔کریملن کا اس معاملے پر کہنا ہے کہ پکڑے گئے دونوں امریکی کرائے کے فوجی ہیں وہ جنیوا کنونشن کے ضابطے میں نہیں آتے، زیر حراست دونوں امریکی شہریوں نے روسی فوجیوں کو خطرے میں ڈالا۔کریملن نے اپنے بیان میں کہا کہ دونوں امریکی شہری یوکرین میں غیر قانونی سرگرمیوں، روسی فوج پر فائرنگ، شیلنگ میں ملوث ہیں، تاہم دونوں امریکی شہری یوکرینی فوج میں شامل نہیں تھے۔خبر ایجنسی کا کہنا ہے کہ یوکرین میں پکڑے گئے امریکی شہریوں کے اہل خانہ کے مطابق وہ رضاکارانہ طور پر لڑنے گئے تھے، دونوں امریکی شہری گزشتہ ہفتے یوکرین میں لاپتہ ہوگئے تھے۔